سابات سپۆرت - پێگەی فەرمی یانەی وەرزشی هەولێر دەستەی راھێنەرانی تیپی لاوانی بەشداربوو لە خولی نایابی عێراق ڕاگەیاند .
دەستەی راھێنەران پێکھاتووە لە ( ئەحمەد مناجد) راھێنەر و ( ئەحمەد شوکر) یاریدەدری راھێنەر و ( دیدار حامد) راھێنەری گۆڵپارێز.
لەلێدوانێکی تایبەت بە سابات سپۆرت ( ئەحمەد شوکر) یاریدەدری راھێنەر لاوانی هەولێر ڕایگەیاند ؛ کۆمەڵێک یاریزانمان هەیە، پێویستیمان بەچەند یاریزاۆێکی ترە تابتوانین تیپێکی بەهێز دروستبکەین
دەستەی راھێنەران ئاگاداری سەرجەم ئەو یاریزان و گۆڵپارێزانە دەکاتەوە، کە ئارەزووی یاریکردنیان ھەیە لە یانەی ھەولێر بۆ خولی نایابی عێراق لەسەر ئاستی لاوان و لە دایکبووی ساڵی (٢٠٠٣) بەرەو سەرەویە رۆژی یەکشەممە کاتژمێر (٤)ی ئێوارە لە یاریگەی دووەمی شەھید فرانسۆ ھەریری ئامادە بەمەبەستی ئەنجامدانی تاقیکردنەوە و دەبێت یاریزانەکان گشت پێداویستییەکانی خۆیان بێنن.
یارییەکانی خولی لاوان لە ھەمان کاتی خولی نایاب ئەنجام دەدەرێت بەشێوازی خول بۆ یەک قۆناغ و یارییەکانیش پێش یارییەکانی تیپی یەکەم ئەنجام دەدرێت.
وا بریارە رۆژانی (٢٩) و (٣٠)ی ئەم مانگە لە بارەگای یەکێتی تۆپی پێی عێراق تیروپشکی خولی نایاب و جامی عێراق رابکێشرێت.
ليست هناك تعليقات:
إرسال تعليق