سابات سپۆرت - یانەی بەرشەلۆنە بڕیارە هەفتەی داهاتوو لەگەڵ فێران تۆرێس کۆببێتەوە بۆ دڵنیابوون لە دوا خواستەکانی دوای ئەو ئۆفەرانەی ئەم دواییە.
پاریس سانجێرمان پاڵپشتی دەکات بۆ ئەوەی سوود لە دۆخی یاریزانەکە وەربگرێت و لەسەر داوای لویس ئێنریکی گرێبەستی لەگەڵ بکات.
گۆڵەکەی تۆرێس بۆ بردنەوەی مۆندیال بەهای ئەو یاریزانە بەشێوەیەکی بەرچاو زیادی کردووە، ئەمەش دۆخەکەی بۆ یانە کەتەلۆنییەکە ئاڵۆزتر کردووە.
گرێبەستەکەی تۆرێس لە ساڵی ٢٠٢٧ کۆتایی دێت و بەرشەلۆنە ناچار دەکات بڕیارێکی خێرا بدات، یان دەستبەجێ گرێبەستەکەی نوێ بکاتەوە یان لە ڕووی داراییەوە سەرمایەگوزاری لە فرۆشتنەکەی وەربگرێت.
ووردەکاریەکان:
ڕۆژنامەی مۆندۆ دیپۆرتیڤۆی کەتەلۆنی ئاشکرای کرد، ئیدارەی یانەی بەرشەلۆنە بڕیاریداوە هەفتەی داهاتوو کۆبوونەوەیەکی چارەنووسساز لەگەڵ فێران تۆرێسی هێرشبەری تیپەکە ئەنجامبدات، بۆ ئەوەی مەبەست و هەڵوێستی کۆتایی دیاری بکات، ئەمەش لەکاتێکدایە کە پاریس سان جێرمان زیادی کردووە.
ڕۆژنامەکە ڕوونیشیکردووەتەوە، لەکاتێکدا ئیدارەی بارسا بڕیاریداوە وەرزی داهاتوو "نەهەنگی کەتەلۆنیا" لەناو ڕیزەکانی تیپەکەدا بهێڵێتەوە، بەڵام پێگەی یانەکە ئاڵۆز بووە. گرێبەستی ئێستای لە هاوینی 2027 کۆتایی دێت، بەهای بازاڕەکەی بەرزبووەتەوە دوای ئەوەی گۆڵە مێژووییەکەی ئیسپانیا بۆ مۆندیالی 2026 مسۆگەر کرد.
ئەم واقیعە نوێیە بارسێلۆنا ناچار دەکات خێرا هەنگاو بنێت، یان گرێبەستەکەی نوێ بکاتەوە یان بڕیار لەسەر ئەو ئۆفەرانەی کە وەریگرتووە، بۆ ئەوەی ڕێگری بکات لە ڕۆشتنی بەخۆڕایی یان بە نرخێک کە ڕەنگدانەوەی بەها نوێیەکەی نەبێت.
سەبارەت بە تۆرێس، هێشتا شوێنی داهاتووی خۆی ڕوون نەکردۆتەوە، هەرچەندە پێدەچێت ئۆفەری پاریسییەکە تا ئێستا زیاتر سەرنجڕاکێش بێت بۆ ئەو یاریزانە، بەهۆی خواستی ئەو یاریزانە بۆ ئەوەی ڕۆڵێکی سەرەکی بگێڕێت، بەپێچەوانەی دۆخی ئێستای لە بارسێلۆنا کە ڕۆڵی یەدەگ دەگێڕێت.
ليست هناك تعليقات:
إرسال تعليق