به‌وێنه‌ و ڤیدیۆ هۆكـاری سزادانی دهۆك بزانه‌.

لەخولی ئەستێرەکانی عێراق... لێژنەی سزادان له‌ فیدراسۆنی یه‌كێتی تۆپی پێی عێراق یـانه‌ی دهۆك و هاده‌رانی سزادا.

لیژنەی دیسپلینی یەکێتی تۆپی پێی عێراق کۆبووەوە بۆ تاوتوێکردنی ڕاپۆرتی ڕێکخەری ئەمنی و چاودێری یارییەکان بۆ یاری هەولێر و دهۆک لە خولی ئەستێرەکانی عێراق، کە لە 13ی 1ی 2026 لە یاریگای فرانسۆ هەریری بەڕێوەچوو و بە ئەنجامی (2-1) لە بەرژەوەندی یانەی هەولێر کۆتایی هات.

 لە ڕاپۆرتەکەدا هاتووە: (هاندەرانی دهۆک لە یەکەم خولەکەکانی چوونە ناو یاریگاوە دەستیان کرد بە دروستکردنی کێشە و شکاندنی دەروازەکانی چوونە ژوورەوەی یاریگاکان و فڕێدانی بتڵی ئاو بۆ سەر یاریگا. دەستپێکردنی یارییەکە 15 خولەک دواکەوت بەهۆی ئاژاوەگێڕییەکانەوە. کورسییەکانی یاریگاکان لەلایەن هاندەرانی دهۆکەوە شکێندرا. دوکەڵی فڕێدرایە سەر یاریزانانی یانەی هەولێر، و زمانی قێزەون و... ناوبژیوان و یاریدەدەری ناوبژیوان بەشێوەیەکی زارەکی سووکایەتییان پێکرا، ڕێکارە ئەمنییەکانی یانەی هەولێر بەشێوەیەکی ناتەواو بوون، ئەمەش وایکرد هێزە ئەمنییەکان داوای کارمەندی زیادە بکەن بۆ کۆنترۆڵکردنی دۆخەکە.)

 بە پشتبەستن بەوانەی سەرەوە، لیژنەکە بڕیاریدا: 

1. بۆ سزادانی یانەی دهۆک بە غەرامە. غەرامەکردن بە بڕی (15,000,000) پانزە ملیۆن دیناری عێراقی، بە پشتبەستن بە بڕگەکانی مادەی (49-2-A-B) لە پەیڕەوی دیسپلین و ئەخلاقی بۆ وەرزی ئێستا.

 2- هاندەرانی یانەی دهۆک بۆ یەک یاری چوونە ناو یاریگا (یاریگای دیاریکراوی خۆیان) قەدەغە دەکرێن، ئەمەش بە پشت بەستن بە بڕگەکانی مادەی (49-1-2) لە پەیڕەوی ئاماژەپێکراو. لە ئەگەری دووبارەبوونەوەی تاوان، سزاکە توندتر دەبێت.

كلیك بكه‌ - هۆكـای سزادانی دهۆكیه‌كـان- ڤیدیۆ

وێنه‌كــان