د پرێس کونفرانسەکێ فەرمی دا كارگێریا یانا ئافرەتێن دهۆک ژ بۆ بهێزخستنا رێزێن تیما فوتسالا یانێ بۆ هەرکیێن خولا هەرێما کوردستانێ یا فوتسالا کچان ب فەرمی هەڤبەستا پێنج یاریزانێن ستێر ئیمزا کر.
ئەو یاریزانێن هەڤبەستا وان هاتینە ئیمزاکرن دێ پشکداریێ د خولا نایابا هەرێما کوردستانێ یا فوتسالا کچان دا کەن ئەو ژی کاپتنا هەلبژارتیێ عیراقێ و یانا جەویە (نادیە فاضل) كو ئێکە ژ باشترین بەرگریکار ل سەر ئاستێ عیراقێ دیسان گولپارێزا چەلەنگ (فایزا جەلال) کو دێ هێزەکا مەزن ل تیمێ زێدەکەت زێدەباری هەردو یاریزانێن سلێمانیێ یێن بەرنیاس (دەریا دارا و شینێ قادر) دیسان ستێرا چەلەنگا عیراقێ و باژێرێ کەرکووکێ (دێرین محمود) کو ئەڤ یاریزانە دێ زێدەهیەکا مەزن ل تیما فوتسالێ زێدەکەن بەر ب هەڤرکیا ناسناڤێ خولا هەرێما کوردستانێ بۆ یانێن نایاب.
ليست هناك تعليقات:
إرسال تعليق