سابات سپۆرت - فیرناندۆ هییرۆ راهێنەری پێشووی هەڵبژاردەی ئیسپانیا و كاپتنی پێشووتری یانەی ریال مەدرید لە لێدوانێكیدا بۆ رۆژنامەی ماركای ئیسپانی دەڵێت : خۆم بەبەخت دەزانم چونكە بەرامبەر لیۆنێل میسی یاریم نەكردووە ، لەمنداڵیمدا مارادۆنا خۆشەویسترین یاریزان بوو لەلای من ، بەڵام ئەوەی میسی لە 15 ساڵی رابردوو پێشكەشی دەكات كارێكی ئاسایی نییە .
هییرۆ لە ساڵی 1989 تا 2003 بۆ یانەی ریال مەدرید یاری كردووە ، 3 چامپیۆنزلیگ و 5 نازناوی لالیگا و 4 جامی سوپەری ئیسپانی و نازناوێكی جامی شا و جامی سوپەری ئەوروپا و 2 نازناوی جامی ئینتەركونتینینتالی بەدەست هێناوە و لە مۆندیالی 2018 راهێنەری هەڵبژاردەی ئیسپانیا بووە .
سالارجەلال
